Haradinaj dënon sulin ndaj KFOR-it, kërkon nga Kurti të mos ndërmarrë veprime pa koordinim me aleatët

20:20 | 29 Maj 2023
E.H

Kryetari i Aleancës për Ardhmërinë e Kosovës (AAK), Ramush Haradinaj, pas protestave të dhunshme në veri, i ka bërë thirrje kryeministrit Albin Kurti që të mos ndërmarrë asnjë veprim pa koordinim të plotë me aleatët – ShBA-në, BE-në dhe NATO-n.

Përmes një postimi në Facebook, Haradinaj tha se sulmet ndaj KFOR-it janë të papranueshme dhe kërkoi që të ndalohen menjëherë, përcjell Arbresh.info.

Sipas tij, gjendja e krijuar kapërcehet vetëm me veprime politike.

Postimi i tij i plotë:

Më vëmendje, por edhe me shqetësim, po i përcjell zhvillimet në veri të vendit. Sulmet kriminale ndaj ushtarëve të KFOR-it dhe forcave të rendit, janë të papranueshme dhe duhet të ndalen menjëherë.

U bëj thirrje të gjitha palëve që t’i ndërmarrin të gjitha veprimet e nevojshme për qetësimin e situatës! Po ashtu, i kërkoj kryeministrit që të mos ndërmarrë asnjë veprim pa koordinim të plotë me aleatët – ShBA, BE dhe NATO!.

Gjendja e krijuar kapërcehet vetëm me veprime politike!.

Shpërndaje në rrjete sociale

Lajmet më të lexuara

Të ngjashme

Foto lajm